కాంప్ర మైజ్ మనసు

జరిగే ఆకృత్యాలను చూస్తే
 మనసు గాయపడింది
ఆలోచనలు వేడెక్కాయి
అడ్డు కోవాలనే 
తపన
ఆదు కోవాలనే 
ఆలోచన
ఏమి చెయ్యలేని

 నిస్సహాయత ...
తట్టుకోలేని గుండె
ఆగని జ్వాల
ఆరని ఎద మంట
ఎదురించ లేమా ?
అంతరాత్మ ప్రశ్న !?
ఏదో చెయ్యాలి 
..ఎలా... ఎలా ?
నిశీధి వైపు అడుగులేసింది మనసు
నిశితం గా ఆలోచించింది
వెలుగు నీడలు కనిపించాయి
నిశీధిలో నడుచుకుంటూ వెళ్లాను
కాని...!
అక్కడ కూడా ముళ్ళ బాటలే సుమా !
ఎక్కడ చూసినా పాత కధే !!!
అందుకే ఆలోచించడం మానేసాను
కాంప్ర మైజ్ ఆలోచనలు నేర్చుకున్నా!!?

అర్ధం లేని (కాని )ఆలోచనలు

పెట్రేగుతున్న ఆలోచనలు
మనసును అదిమి పడుతున్నాయి
ఏదో చెయ్యాలనే తపన
ఏమి చెయ్యాలో

 తెలీని ఆలోచనలు
కరువైన ప్రోత్సాహాలు
కన్నీటి దొంతరలు...
ఆశ,...నిరాశల మధ్య

 కొట్టుమిట్టాడుతున్న
జీవన పోరాటం
ఎదురీదే ఆరాటం
లక్ష్యం, గమ్యం

 ఒక్కటే!!!
నా ఆలోచనలు

 రెండు!!!
గెలవటం,

గెలిపించటం
 నాకు లక్షల మైళ్ళ దూరంలో
ఓటమి తొంగి చూస్తుంది